1. 我小朋友完全唔識跳繩，可唔可以參加暑期課程？
可以。小朋友零基礎都可以報名我地8月份嘅暑期興趣班，學習基礎跳繩及花式。
課程會涉獵個人繩及大繩花式，亦有機會接觸雙人繩及交互繩花式。視乎學員年齡及實際情況，一般而言會學到大約8-10個花式。另外，教練亦會係課堂加入遊戲，令小朋友係開心嘅氣氛下學跳繩。
3. 需要準備啲咩上堂？
學員只需要準備一條個人拍子繩，著普通運動服裝同埋帶水就可以黎上堂啦。報名任何暑期課程更可以$60購買專業拍子繩！
4. 上完暑期課程仲想繼續學，有課程可以銜接嗎？
我地係全港各區都有常規班，非常歡迎學員完成暑期課程後參加，繼續學唔同嘅花式同埋跳繩深造表演技巧。
5. 如果臨時有事上唔到堂，可唔可以改去其他時段上？
課堂調動安排只係適用於早鳥時間報名嘅班別（Showcase班除外）。
6. 暑期課程可以請假嗎？
所有係早鳥時間完成嘅報名都係不設請假嘅。
7. 惡劣天氣嘅安排係點樣？
會同常規班嘅安排一樣，可以參考返常規班嘅報名須知。
8. 報名手續係點樣？點樣先知道課程仲有冇名額？
我地所有課程都係經網上系統報名，付款方式為信用卡支付。
9. 如果我報嘅班最後唔能夠成班開班，費用會點樣退回？
我地會嘗試為你安排其他時段嘅課程。如果安排唔到合適嘅時段，我地會退回課程費用。
10. 暑期課程可以中途插班嗎？
如課程尚餘名額，經教練同意後，可提供插班安排。
11. 每班師生比例係點樣？
大約係1:8。以小班教學，希望能夠照顧每位學員嘅需要。
12. 家長可唔可以留低睇小朋友上堂？
由於課室空間所限，加上希望學員能夠更專注於課堂當中，我地一般都唔能夠安排家長留低觀課。
13. 課堂會以咩語言進行？
主要以廣東話進行，教練或會以英語專有術語講解。
