暑期班Q&A

1. 我小朋友完全唔識跳繩，可唔可以參加NIKE花式跳繩營嘅課程？
可以。NIKE花式跳繩營嘅課程歡迎4-12歲從未學過或初學程度嘅小朋友參加。

2. 參加NIKE花式跳繩營嘅課程會學到啲咩？
課程會涉獵個人繩及大繩花式，亦有機會接觸雙人繩及交互繩花式。視乎學員年齡及實際情況，一般而言會學到大約15-20個花式。另外，教練亦會係課堂加入遊戲，令小朋友係開心嘅氣氛下學跳繩。

3. 需要準備啲咩上堂？
學員只需要準備一條個人拍子繩，著普通運動服裝同埋帶水就可以黎上堂啦。

4. 上完NIKE花式跳繩營嘅暑期課程仲想繼續學，有課程可以銜接嗎？
我地係全港各區都有常規班，非常歡迎學員完成暑期課程後參加，繼續學唔同嘅花式。

5. 如果臨時有事上唔到堂，可唔可以改去其他時段上？
考慮到每班嘅進度唔同，加上教練對學員嘅了解程度，我地唔能夠安排學員係其他時段補堂。

6. 暑期課程可以請假嗎？
可以。每位學員只限係每個課程請假一堂。學員必須要係報名前聯絡我地辦公室申請代碼，先可以扣減請假個堂嘅費用。如係報名後先提出請假申請，有關堂費就只能退回積分至學員的帳戶當中。

7. 惡劣天氣嘅安排係點樣？
會同常規班嘅安排一樣，可以參考返常規班嘅報名須知。

8. 報名手續係點樣？點樣先知道課程仲有冇名額？
我地所有課程都係經GMF SPORTS ACADEMY手機或平板電腦應用程式報名，設有多個付款方法可以選擇。一般而言，如果成功進入付款程序就代仲有名額。

9. 如果我報嘅班最後唔能夠成班開班，費用會點樣退回？
我地會嘗試為你安排其他時段嘅課程。如果安排唔到合適嘅時段，我地會退回課程費用。

10. 暑期課程可以中途插班嗎？
如課程尚餘名額，經教練同意後，可提供插班安排。

11. 每班師生比例係點樣？
大約係1:8。以小班教學，希望能夠照顧每位學員嘅需要。

12. 家長可唔可以留低睇小朋友上堂？
由於課室空間所限，加上希望學員能夠更專注於課堂當中，我地一般都唔能夠安排家長留低觀課。

13. 課堂會以咩語言進行？
主要以廣東話進行，教練或會以英語專有術語講解。

立即報名暑期班！